YNAMBU MOMBE`UPY

Oñemombe`u ningo peteî ára, arahakueterei jave, Tupâsy oho henda ári, hendive imemby Hesu. Ha`ekuéra oho y reka, ijy`uheiterei hikuái. Upe jave ndaje peteî guyra oveve tarova pe tapére ha tupâsy renda oñemondýi ha ojevy pe ykua rapégui. Tupâsy oñeko`ôi ha he`i kóicha: "Águi rirékena tande`yuhéi avei nde, che memby ha che ore`yuheiháicha, ha okýramo añoitékena totyky nde ahy`ópe y, reporomondýi poi peve".

Ha upe araite guive, oñemombe`u okýrô añoitémante Ynambu hoy`úva.

Ku mbyry`aieterei ramo, ndokyvéi jave, oñehendu Ynambu ituruñe`ême ombokuasévaicha arai ha péicha oguarara hagua ama.